ABŞ vətəndaşlığının qəbul edilməsi barədə məlumatın verilməsi

“Azərbaycan Respublikasının vətəndaşlığı haqqında” Azərbaycan Respublikasının 1998-ci il 30 sentyabr tarixli 527-IQ nömrəli Qanununa 2014-cü ilin 30 may tarixində edilmiş dəyişikliklərə əsasən:

Xarici dövlətin vətəndaşlığını qəbul etmiş Azərbaycan Respublikasının vətəndaşı bir ay müddətində bu barədə Azərbaycan Respublikasının səlahiyyətli orqanlarına yazılı məlumat verməlidir.

Tələb olunan sənədlər

  • Ərizə-anket (buradan yüklənə bilər)
  • Azərbaycan Respublikası ümumvətəndaş pasportunun surəti
  • ABŞ naturalizasiya vərəqinin surəti
  • ABŞ-dakı ünvanı göstərən sənədin surəti (məsələn, driver's license)
  • 3x4 inches ölçüdə foto şəkil

Dövlət rüsumunun məbləği

  • Xarici dövlətin vətəndaşlığının qəbul edilməsi barədə məlumatın verilməsi üçün dövlət rüsumu ödənilmir.

Müraciət forması

  • Yalnız sənədləri tam olan müraciətlər prosesə qəbul edilir.
  • Səfirliyin Konsulluq bölməsi xarici dövlətin vətəndaşlığının qəbul edilməsi barədə məlumatın verilməsi üçün müraciətləri yalnız poçt vasitəsilə qəbul edir. Müraciət zamanı poçt ödənişli geri qaytarılma zərfi (Express Mail, FedEx, UPS və ya DHL) mütləq sənədlərə əlavə olunmalıdır. Ərizəçiyə ABŞ vətəndaşlığını qəbul etməsi ilə bağlı Azərbaycan Respublikasının ABŞ-dakı Səfirliyini yazılı məlumatlandırmasını təsdiq edən arayış verilir. Azərbaycan Səfirliyi poçt çatdırılmasının itkisinə görə heç bir məsuliyyət daşımır. Səfirlik poçtlarınızın izləmə nömrələrinin qeydiyyatını aparmır. Xahiş edirik tələb olunan sənədləri aşağıdakılara ünvana göndərin:

Embassy of Azerbaijan Attn: Consular Section,
2741 34th Street, NW, Washington, DC 20008

Arxiv üzrə axtarış