Tranzit viza

Tranzit vizası üçüncü ölkələrə gedən əcnəbilərə və vətəndaşlığı olmayan şəxslərə Azərbaycan Respublikasının ərazisindən keçmək üçün verilir. Tranzit vizasının etibarlılıq müddəti 30 günədək, ölkədə qalma müddəti isə 5 günədək müəyyən edilir. Tranzit vizaları hava, su, dəmiryol nəqliyyatı və digər nəqliyyat növü vasitəsi ilə gediş marşrutu və ona sərf olunan vaxt nəzərə alınmaqla verilir.

Tələb olunan sənədlər:

1. Doldurulmuş ərizə-anket (buradan yüklənə bilər). 
2. Pasportun əsli.
   • Pasportun etibarlılıq müddəti müraciət olunan vizanın müddətinin bitməsi tarixindən azı 3 ay artıq olmalıdır
   • Səyahət sənədi ilə müraciət edən şəxslərin həmçinin daimi yaşayış kartını təqdim etməsi vacibdir.
3. Pasportun surəti.
4. İki ədəd 3x4 ölçülü fotoşəkil.

• Ağ fonda olmalı, son altı ay ərzində çəkilməli və şəxsin hazırkı vəziyyətini əks etdirməlidir

5. Dövlət rüsumunun ödənilməsi barədə sənəd

• 20 ABŞ dolları.
• Rüsum yalnız “money order” şəklində təqdim olunmalıdır.

6. Gedəcəyi ölkənin vizasının surəti

• Gedəcəyi ölkə vizasız rejim tətbiq edirsə tələb edilmir.

7. Tam peyvəndlənmə və ya COVID-19 xəstəliyindən sağalma barədə rəsmi sənədin surəti

• Yaşı 18-dən yuxarı olan şəxslərin COVID-pasportunun (tam vaksinasiya olunması və ya COVID-19 xəstəliyindən sağalması barədə rəsmi sənədi) surəti təqdim olunmalıdır.