Azərbaycanın ABŞ-dəki Səfirliyində xatirə kitabı açılıb
“Azərbaycan Hava Yolları” aviaşirkətinin Bakı–Qroznı reysini yerinə yetirən sərnişin təyyarəsinin qəzaya uğraması səbəbindən elan olunmuş matəm günü ilə əlaqədar Azərbaycanın ABŞ-dəki Səfirliyində dövlət bayrağı yarıya qədər endirilib.
Səfirlikdə xatirə kitabı açılıb, Səfirliyin sosial şəbəkələrdəki hesablarında paylaşımlar edilib.
Səfir Xəzər İbrahim və Səfirliyin heyəti təyyarə qəzasında həlak olanların xatirəsini bir dəqiqəlik sükutla yad ediblər.
Gün ərzində xarici dövlətlərin ABŞ-dəki diplomatik nümayəndələri və ABŞ dövlət rəsmiləri Azərbaycan Səfirliyinə gələrək başsağlığı verib, xatirə kitabına ürək sözlərini yazıblar.
