İqtisadi sahə ikitərəfli münasibətlərin əsas istiqamətlərindən biridir. Azərbaycan ABŞ-ın Cənubi Qafqazda ən böyük ticarət tərəfdaşıdır. İki ölkə arasında ticarət, nəqliyyat və investisiya sahəsində mühüm sazişlər, o cümlədən ticarət münasibətləri haqqında saziş, sərmayə qoyuluşunun qarşılıqlı qorunması və təşviq edilməsi haqqında müqavilə və hava nəqliyyatı haqqında saziş imzalanmışdır.  

Azərbaycan və ABŞ arasında ticarət dövriyyəsi

(mln. ABŞ dolları)

(AR Dövlət Gömrük Komitəsi)

AR İqtisadiyyat Nazirliyinin məlumatına istinadən, 2015-ci il daxil olmaqla ABŞ-ın Azərbaycan iqtisadiyyatının qeyri-neft sektoruna yönəldilmiş birbaşa xarici investisiyaların ümumi həcmində xüsusi çəkisi 10,6% təşkil edir və bu göstəriciyə görə ABŞ sıralamada üçüncü yeri tutur. Hazırda Azərbaycanda 200-dən çox ABŞ şirkəti qeydiyyatdan keçmişdir. Azərbaycan Dövlət Neft Fondu ABŞ iqtisadiyyatına təqribən 6,5 milyard sərmayə yatırmışdır. 

7 fevral 2007-ci il tarixində Azərbaycan-ABŞ İqtisadi Tərəfdaşlıq Komissiyası təsis edilmişdir. Komissiyanın Azərbaycan tərəfindən həmsədri naliyyə naziri, ABŞ tərəfindən həmsədri dövlət katibinin iqtisadi və biznes məsələləri üzrə köməkçisidir. Komissiyanın indiyədək 3 iclası (07.02.2007-ci il tarixində Bakıda, 17.11.2008-ci il tarixində Vaşinqtonda və 18.04.2012-ci il tarixində Vaşinqtonda) keçirilmişdir.  

1995-ci ildən Vaşinqtonda ABŞ-Azərbaycan Ticarət Palatası, 1996-cı ildən Bakıda Amerika Ticarət Palatası fəaliyyət göstərir. Bundan başqa, “Azərbaycan Hava Yolları” QSC tərəfindən Bakı-Nyu-York-Bakı istiqamətində müntəzəm şərnişin uçuşları, “Silk Way West” aviaşirkəti tərəfindən isə Bakı-Nyu-York-Bakı və Bakı-Çikaqo-Bakı istiqamətində müntəzəm yükdaşımaları həyata keçirilir.

Son yenilənmə tarixi: 20 İyun 2017-ci il